Hana Hersh

 دوای رێککەوتنی هەولێر و بەغدا، بانکى بازرگانیى عێراقى (تى بی ئاى) رازی بووە ئەو 400 ملیار دینارە بە قەزر بداتە هەرێمى کوردستان کە بڕیار بوو وەک شایستەى دارایی لەلایەن حکومەتى فیدڕاڵییەوە بنێردرێت بۆ هەرێمی کوردستان.   بەگوێرەى ئەو زانیاریانەى کە تۆڕى میدیایی رووداو لە چەند سەرچاوەیەکى ئاگادار لە بەغدا دەستى کەوتوون، محەممەد شیاع سوودانى، سەرۆکوەزیرانى عێراق پێشنیازى بۆ بانکى بازرگانیى عێراق (تى بی ئاى) کردووە بۆ ئەوەى 400 ملیار دینار بە قەرز بداتە هەرێمى کوردستان، تاوەکو دواتر بەگوێرەى یاساى بودجەى گشتیی 2023 پاکتاو دەکرێت.   رۆژی 28-2-2023 حکومەتی هەرێمی کوردستان و حکومەتی فیدراڵیی عێراق لەسەر پڕۆژەیاسای بودجەی ساڵی 2023 رێککەوتن. دوای ئەو رێککەوتنە ئەنجوومەنى بەڕێوەبردنى بانکی تی بی ئای لەسەر ئەو پرسە کۆبووەتەوە و رەزامەندى داوە لەسەر ناردنى ئەو 400 ملیۆن دینارە بە قەرز، بەڵام کاتى ناردنەکەى دیاری نەکراوە.

  نرخی نەوتی خاوی ئەمڕۆ دابەزی و به‌رمیلێك نه‌وتی برێنت گه‌یشته‌ 83.25 دۆلار، چاوه‌ڕوان ده‌كرێت بانکی ناوەندی ئەمریکا سەبارەت بە ڕێژەی سود بڕیاری نوێ بدات بەوهۆیەوە بازرگانان به‌ هه‌ستیاریه‌وه‌ مامه‌ڵه‌ ده‌كه‌ن.  ئه‌مڕۆ سێشه‌ممه‌ له‌ بۆرسه‌ی جیهانی نرخی نه‌وتی خاوی برێنت 0.82 سه‌نت واتا به‌ڕێژه‌ی 098% دابه‌زی و یه‌ك به‌رمیل گه‌یشته‌ 83.25 دۆلار، نرخی نه‌وتی تێكساسی ئه‌مریكاش 76.38 دۆلار.

  كچێكی تەمەن 21 ساڵ پاش ئەنجامدانی نەشتەرگەری جوانكاری بۆ لوتی، بەهۆی گیرانی سییەكانی بە خوێن، گیانیلەدەستدا. كارین كولیەس كاریدناس، خەڵكی كۆڵۆمبیا بو، پاش ئەوەی نەشتەرگەری جوانكاری بۆ لوتی ئەنجامدا و نەخۆشخانەی جێهێشت، لە كاتی گەیشتنەوەی بۆ ماڵەوە لەهۆشی خۆی چو، خێزانەكەی بە زویی گەیاندیانە نەخۆشخانە و پزیشكەكان بۆیان ئاشكرابو كە سییەكانی پڕ بوە لە خوێن.

ئەحمەد ڕەیان ی مەغریبی، مناڵێکی یانزە ساڵانە، پێڵاوەکانی لەت لەت بون، لەکاتی ئەنجامدانی ڕاکردنێک لەسەرخۆڵی ( تامسنا ) نزیک پایتەخت ریبات.   مناڵە یانزە ساڵەکە توانی بەردەوام بێت بەبەستنی کارتۆن و تیپ لەپێیەکانی، وە توانی پلەی سێیەم بەدەست بهێنێت. رەیانی پاڵەوان لەگەڕەکی یەعقوبی مەنسورە دەژی لەریباتی پایتەختی مەغریب، دوابەدوای ئەم ڕوداوە زۆرێک لەڕاگەیاندنەکان و وەرزشکاران دیمانەیان لەگەڵ ئەم مناڵە ناوازەدا کرد. لێرەوە ئێمەی مرۆڤ تێدەگەین ڕۆحی پاڵەوان بون بەجل و بەرگ و پێڵاوی گران بەها نیە ، لەمناڵیەوە پاڵەوان دروست دەبێت، وەک خۆی دەڵێت جوتێک پێڵاوی خراپ و کۆنم لەپێدا بو، بەڵام زۆر تینوی ئەو پێشبڕکێیە بوم. چالاکەوانێكی مەغریبی وەرزشی دەڵێت: رەیان پرۆژەی پاڵەوانێکە لەئاییندەدا پێویستی بەپشتیوانی هەیە. ماوەتەوە بڵێین: وڵاتی مەغریب ناسراوە بەپاڵەوانی ڕاکردنی درێژخایەن، چەندە زۆرن ئەو مناڵانەی وەک ڕەیان خەونی یاریکردن و پاڵەوانێتیان هەیە و باری داراییان خراپە ؟ ژیان چەندە سەختە بۆ ئەو مناڵەی بەهرەی هەیە بەهۆی کەم دەرامەتی ناتوانێت بەخەونەکانی بگات، ئومێدەکەم ئەم ڕوداوە وانەیەک بێت بۆ کۆم...